mOn's hUg 眼圈

Trackback 路徑 http://mon.mocasting.com/main/wp-trackback.php/106939

1. 現實d諗,因為我地唔肯定死後既世界比呢個世界更美好,所以不如留係一個熟悉既人間地獄,起碼呢度有朋友陪我地一齊捱,係痛苦之中仍然偶有歡笑嘛。
   
   如果我可以肯定人死後會擺脫一切殘缺同埋不圓滿,搵日約埋一齊燒炭又點話~不過冇任何人可以肯定地答到呢個問題,所以我唔想take呢個risk。萬一死後真係永罰既開始,咁即係自己少享受幾十年間唔中開心既日子,蝕左比上帝呢。
   
   加油,一切都會過去既。記住今日既痛苦,將來當妳快樂時,要狠狠地同個天講:"想玩死我?冇咁易,而家係我拎返應得既野既時候,輪到你唔高興啦,哈哈哈!"

   Comment by 基基 — 2007 二月 27 @ 3:53 pm

2. 真係? 我陪你

   Comment by Shung — 2007 二月 28 @ 10:32 am

3. 死後如果去左地獄的話, ,,會比lee個世界比更可怕
   死亡唔係出口, 係令一個人生的階段,
   不要尋死, 解決唔到問題
   
   快d 尋求神, 佢會為你開路的. 佢會幫助你的.
   就算世上沒有人愛你, 但佢的愛係不變的.
   那是他的約, 永遠不改的.
   
   只要相信就得了, 好容易咋
   
   你要幫助認識他, 可以email 比我.
   我會幫你的.
   
   加油!

   Comment by 市井聖徒之菠蘿油公主 — 2007 二月 28 @ 11:43 pm

4. 多口講句,公主,我曾經係基督徒,但我真係好反感一d基督徒每當見到人有困難時就傳教,呢種態度只不過反映出傳教果個人認為:神會幫人解決所有問題。
   
   但大家都知道:"神冇應許過天色常藍",當有一日發現神不理求救時,個個都識得講呢句說話安慰自己。對於信徒黎講,真正令佢跟從神或者對神心服口服既理由係咩呢?信者得救既"救"其實係指咩呢?現實生活中點樣體現到?我覺得香港既教會普遍冇呢個認知去探討呢方面問題。
   
   結果,上帝因為呢種傳教,而被qualify為"黃大仙類"既神。我覺得如果想幫人,就算係基督徒,都可以先祈禱,求神預備,而唔係等人軟弱時好似承虛而入咁去叫人信主。既然你都有傳教既自由,咁我都有反對呢種信仰理念既自由。失禮了。

   Comment by 基基 — 2007 三月 1 @ 1:27 am

5. 講多句,宗教真係唔好認為係一件"好容易"既事,無論基督教,佛教,道教...都好,呢個係一種好高層次既信念,我覺得香港太多牧師想踢人入教,結果個個都話:"神都話口裏承認,心裏相信就得啦,好易架ja!"。但有唔少人信左一世,都未真正明白神或者christianity究竟係一樣乜野,佢個核心係乜野,反駁既論點建基於乜野,或者當自己受challenge時,知唔知點去解釋。
   
   sorry mon,唔係想係度撩交嗌,真係有感而發 ^^;;

   Comment by 基基 — 2007 三月 1 @ 1:42 am

6. 基基, 我都了解你的事.of course當然唔係見人軟弱時好似承虛而入
   那只不過係一個其中我認識幫佢的方法咋.
   
   為人去禱告,去預備,那當然是重要的, 那是先做的事. 但現在的問題, 如果你見到人想死, 那你第一個反應就係想幫佢,救佢, 我所選擇的方法, 係希望通過宗教來幫她.
   
   如果我唔係基督徒, 係佛教,道教,我都會為著佢的原因,可能叫佢信佛教,道教
   的,希望幫到佢. 所以唔係話見佢病,拿去命果種, 希望你了解
   
   要令人相信, 那當然要以身作則作見証, 你應該明白,神唔係黃大仙, 佢唔係話人叫佢想點就點, 佢有佢的引導, 所以那就是信心相信的問題
   
   of course 只要你講相信係好易, 但有沒有想, 相信之後, 那就好似一個新生的baby , 由零開始呢. 如果你唔比奶佢,那佢唔會成長, 就好似相信左, 但又唔去學習, 了解, 去同神建立一同親密關係. 那是指心向神, 感受到神的同在,指引. 就如香港有好多的信徒, 我都見過不只係星期日信徒, 只係星期日返下, 平時叫佢學習下都say sorry. 那沒有知識, 如何去了解神呢. 就算係牧師有好多的學識, 都唔一定可以完全了解. 因為有好多事人是不知道的. 不明白的.
   
   其實大家都生活在罪的當中, 我相信沒有一個人會話自己沒有犯過罪, 就算係講大話, 那都是罪. 因為這罪入人的心, 好多時比佢繞住, 沒有方法去勝過, 我所相信的只有神的竇血&救贖先可以救我們遠離它, 佢竇血可以洗清我們的罪, 保護我們, 令我們可以從罪得釋放, 可以自由, 沒有鉫鎖. 人生在世,好多時會趺倒,軟弱的,神冇應許過天色常藍, 但有應許與我們同行, 我們所擔的都是我們能接受的, 也賜平安給我們. 就是靠著那力量去勝過困難
   
   of course 大家都有自由去講野, 不過那我想講的不是針對你而講. 只係想分享下我看法. 希望不要介意.
   
   sorry mon, 拿左你blog 講野. 見諒

   Comment by 市井聖徒之菠蘿油公主 — 2007 三月 3 @ 12:58 am

7. 我當然相信妳既用意係想幫助人啦
   
   不過,我覺得唔應該係別人傷心或者失意時去叫人信一個教,首先自己連對方既想法都未了解,單方面將自己既信念強加係別人身上,用自己一套去interpret別人既問題,好似有少少...單純。
   
   其次,我其實都好唔鍾意果d佈導會...etc. 人是有罪,無論咩宗教或者唔係宗教都好,人類有惡念同埋惡行都係事實。個人認為世上既宗教都係建基於恐嚇、奴隸制度、絕對服從之上,佈導會或者現時好多人既傳教方法,都只不過將呢種恐嚇理念傳播開去,但所謂祝福平安,其實一個NLP課程都可以做到,而且課程做到既內化同埋自我肯定既效果,以恐嚇為原則既宗教一定唔到。
   
   教徒有冇想過,憑咩叫人信?憑自己單方面既信心?憑你認為所有人都要相信教徒既行為/見證?憑著掌握人類內心既恐懼特質去"威嚇/救助"人？我覺得現時既教徒，因為太過希望”救人”，結果會好無知地叫人信，認為”乜都好，你信左先啦，我都信冇問題，咁我唔會害你既，你都應該一齊信”。但無論傳咩教，都應該先將信念解釋、將別人既懷疑解除。如果連別人既challenge或者質疑都答唔到，但就叫人”先信後搵答案，搵唔到答案都照信啦，總之聖經／佛經話神係好就一定係好”，我覺得呢種傳教既技巧同果ｄ補藥黨手法冇分別。
   
   宗教應該以本身既智慧去吸引人，而唔係去呃人”宗教可以幫你解決問題”。宗教可以帶比人另一種思維模式 (NLP課程都可以，甚至可以更加到肉去剖悉人類既心靈)，但所有人都知道宗教唔可以幫人解決問題。因此，我對於”神／佛祖／阿拉真主會幫你解決問題搵出路”等等意念，一直感到非常鄙視。
   
   噢，我係鄙視果種意念，唔係鄙視妳，希望妳明白。

   Comment by 基基 — 2007 三月 3 @ 11:53 am

8. ”of course 只要你講相信係好易, 但有沒有想, 相信之後, 那就好似一個新生的baby , 由零開始呢. 如果你唔比奶佢,那佢唔會成長, 就好似相信左, 但又唔去學習, 了解, 去同神建立一同親密關係. 那是指心向神, 感受到神的同在,指引. 就如香港有好多的信徒, 我都見過不只係星期日信徒, 只係星期日返下, 平時叫佢學習下都say sorry. 那沒有知識, 如何去了解神呢. 就算係牧師有好多的學識, 都唔一定可以完全了解. 因為有好多事人是不知道的. 不明白的. ”
   
   呢句有點自打咀巴，因為講出”只要信就得架啦，好易架咋”既人，係妳本人。究竟妳即係認為人應該理解後去信，定係信左先去理解呢？我就覺得因為宗教唔係大陽，唔係月亮，唔係物質等等可以唔使驗証都証實到既野，所以應該先叫人明白理念，解答到別人既challenge，先有資格叫人去信。
   
   如果我話比大家聽，”基基係神，佢訓著左之後會有無窮力量同埋愛，佢會幫助所有尋求佢既人。唔信？好易架咋，你信就得架啦”，你今日會唔會改為信服我？

   Comment by 基基 — 2007 三月 3 @ 12:00 pm

9. 嘩, 上面好不熱鬧啊! 我都係基督徒, 不過我唔係泥傳教, 我係泥依度支持同埋關心阿 Mon! 阿 Mon 努力加油! ^___^

   Comment by Duramate — 2007 三月 5 @ 12:09 am

10. thx 基基, 公主 & duramate.. i undertand ge..

    Comment by mOn — 2007 三月 5 @ 7:00 pm